If you're seeing this message, it means we're having trouble loading external resources on our website.

ਜੇ ਤੁਸੀਂ ਕੋਈ ਵੈੱਬ ਫਿਲਟਰ ਵਰਤ ਰਹੇ ਹੋ, ਤਾਂ ਕਿਰਪਾ ਕਰਕੇ ਪੱਕਾ ਕਰੋ ਕਿ ਡੋਮੇਨ, *.kastatic.org ਅਤੇ *.kasandbox.org ਅਣਬਲਾਕ ਹਨ।

ਮੁੱਖ ਸਮੱਗਰੀ

ਮੁੜ ਪ੍ਰਸਾਰਣ (ਰੀਕੈਪ)

ਖਾਨ ਅਕੈਡਮੀ ਲਾਗੂ ਕਰਨ ਦੇ ਮਾਡਲ

‘ਖਾਨ ਅਕੈਡਮੀ ਲਾਗੂ ਕਰਨ ਦੇ ਮਾਡਲ’

ਖਾਨ ਅਕੈਡਮੀ ਦੀ ਵਰਤੋਂ ਕਰਨ ਲਈ ਲੋੜੀਂਦੇ ਬੁਨਿਆਦੀ ਸਰੋਤ-

  1. ਖਾਨ ਅਕੈਡਮੀ ਨੂੰ ਲਾਗੂ ਕਰਨ ਲਈ ਦੋ ਜ਼ਰੂਰੀ ਸਾਧਨਾਂ ਦੀ ਲੋੜ ਹੈ।
a. ਕਿਸੇ ਵੀ ਕਿਸਮ ਦੇ ਡਿਵਾਈਸ, ਇਹ ਇੱਕ ਸਮਾਰਟ ਫ਼ੋਨ, ਲੈਪਟਾਪ, ਡੈਸਕਟਾਪ, ਜਾਂ ਇੱਕ ਟੈਬਲੇਟ ਹੋ ਸਕਦਾ ਹੈ।
b. ਇੰਟਰਨੈਟ ਕਨੈਕਟੀਵਿਟੀ ਤਾਂ ਜੋ ਵਿਦਿਆਰਥੀ ਵੀਡੀਓ ਦੇਖ ਸਕਣ ਅਤੇ ਅਭਿਆਸ ਹੱਲ ਕਰ ਸਕਣ।
  1. ਹੋਰ ਸੁਝਾਅ:
a. ਖਾਨ ਅਕੈਡਮੀ ਨੂੰ ਐਕਸੈਸ ਕਰਨ ਲਈ ਸਭ ਤੋਂ ਪਸੰਦੀਦਾ ਬ੍ਰਾਊਜ਼ਰ- ‘ਗੂਗਲ ਕਰੋਮ’ ਹੈ।
b. ਵਿਦਿਆਰਥੀ ਸਾਡੇ ਮੋਬਾਈਲ ਐਪ 'ਤੇ ਖਾਨ ਅਕੈਡਮੀ ਦੀ ਵਰਤੋਂ ਵੀ ਕਰ ਸਕਦੇ ਹਨ ਜੋ ਕਿ ਐਂਡਰਾਇਡ ਅਤੇ ਐਪਲ ਸਮਾਰਟਫ਼ੋਨ ਦੋਵਾਂ ਲਈ ਉਪਲਬਧ ਹੈ।
c. ਹਾਲਾਂਕਿ, ਇਸ ਸਮੇਂ ਅਧਿਆਪਕ ਵੈੱਬ ਬ੍ਰਾਊਜ਼ਰ 'ਤੇ ਖਾਨ ਅਕੈਡਮੀ ਦੀ ਵਰਤੋਂ ਕਰ ਸਕਦੇ ਹਨ ਨਾ ਕਿ ਮੋਬਾਈਲ ਐਪਲੀਕੇਸ਼ਨ।
d. ਖਾਨ ਅਕੈਡਮੀ ਦੇ ਵੀਡੀਓਜ਼ ਯੂਟਿਊਬ 'ਤੇ ਹੋਸਟ ਕੀਤੇ ਗਏ ਹਨ। ਇਸ ਲਈ ਖਾਨ ਅਕੈਡਮੀ ਨੂੰ ਸਹੀ ਢੰਗ ਨਾਲ ਕੰਮ ਕਰਨ ਲਈ ਯੂਟਿਊਬ ਨੂੰ ਅਨਬਲੌਕ ਕਰਨਾ ਜ਼ਰੂਰੀ ਹੈ।

ਕਲਾਸ ਵਿੱਚ ਖਾਨ ਅਕੈਡਮੀ ਅਸਾਈਨਮੈਂਟਾਂ ਦੀ ਵਰਤੋਂ ਕਰਨ ਦੇ ਵੱਖ-ਵੱਖ ਤਰੀਕੇ

ਮਾਡਲ 1: ਸਿਖਾਓ, ਸੌਂਪੋ, ਅਤੇ ਅਭਿਆਸ ਕਰੋ

ਇਹ ਕੀ ਹੈ?

  • ਤੁਸੀਂ ਵਿਸ਼ੇ ਨੂੰ ਸਿਖਾ ਸਕਦੇ ਹੋ ਅਤੇ ਆਪਣੀ ਯੋਜਨਾ ਜਾਂ ਸਿਲੇਬਸ ਦੇ ਅਨੁਸਾਰ ਵਿਦਿਆਰਥੀਆਂ ਨੂੰ ਸੰਕਲਪ ਪੇਸ਼ ਕਰ ਸਕਦੇ ਹੋ। ਤੁਹਾਡੇ ਸਕੂਲ ਵਿੱਚ ਬੁਨਿਆਦੀ ਢਾਂਚੇ ਦੀ ਉਪਲਬਧਤਾ ਦੇ ਆਧਾਰ 'ਤੇ, ਤੁਸੀਂ ਵਿਸ਼ੇ ਨੂੰ ਸਿਖਾਉਣ ਲਈ ਖਾਨ ਅਕੈਡਮੀ 'ਤੇ ਉਪਲਬਧ ਵੀਡੀਓ ਦੀ ਵਰਤੋਂ ਕਰ ਸਕਦੇ ਹੋ ਜਾਂ ਤੁਸੀਂ ਆਮ ਤੌਰ 'ਤੇ ਪੜ੍ਹਾਉਣ ਦੇ ਤਰੀਕੇ ਨੂੰ ਜਾਰੀ ਰੱਖ ਸਕਦੇ ਹੋ।
  • ਤੁਹਾਡੇ ਦੁਆਰਾ ਵਿਦਿਆਰਥੀਆਂ ਨੂੰ ਸੰਕਲਪ ਪੇਸ਼ ਕਰਨ ਤੋਂ ਬਾਅਦ, ਤੁਸੀਂ ਫਿਰ ਇੱਕ ਖਾਸ ਖਾਨ ਅਕੈਡਮੀ ਅਭਿਆਸ ਨੂੰ ਉਸ ਵਿਸ਼ੇ ਨਾਲ ਜੋੜ ਸਕਦੇ ਹੋ ਜੋ ਸਿਖਾਇਆ ਗਿਆ ਹੈ।
  • ਫਿਰ ਵਿਦਿਆਰਥੀ ਖਾਨ ਅਕੈਡਮੀ ਦੇ ਅਭਿਆਸ ਦੇ ਸਵਾਲਾਂ ਦਾ ਅਭਿਆਸ ਕਰਨ ਲਈ ਕਲਾਸ ਵਿੱਚ ਸਮਾਂ ਕੱਢਦੇ ਹਨ।

ਤੁਸੀਂ ਅਧਿਆਪਕਾਂ ਦਾ ਸਮਰਥਨ ਕਰਨ ਲਈ ਕੀ ਕਰ ਸਕਦੇ ਹੋ?

  • ਪਤਾ ਕਰੋ ਕਿ ਤੁਹਾਡੇ ਕਿਹੜੇ ਅਧਿਆਪਕਾਂ ਨੇ ਇਹ ਮਾਡਲ ਚੁਣਿਆ ਹੈ।
  • ਜਾਂਚ ਕਰੋ ਕਿ ਕੀ ਇਹ ਅਧਿਆਪਕ ਕਲਾਸ ਵਿੱਚ ਆਪਣੇ ਸਾਰੇ ਵਿਦਿਆਰਥੀਆਂ ਲਈ ਡਿਵਾਈਸ ਅੱਕਸਸ ਕਰਵਾ ਦਿਤੇ ਹਨ।
  • ਲੋੜ ਪੈਣ 'ਤੇ ਕੰਪਿਊਟਰ ਅਧਿਆਪਕ ਅਤੇ ਸਕੂਲ ਪ੍ਰਿੰਸੀਪਲ ਨਾਲ ਤਾਲਮੇਲ ਕਰਕੇ ਇਸ ਸਮੇਂ ਦੌਰਾਨ ਸਕੂਲ ਦੀ ਕੰਪਿਊਟਰ ਲੈਬ ਅਧਿਆਪਕ ਲਈ ਉਪਲਬਧ ਕਰਵਾਈ ਜਾਵੇ।
  • ਯਕੀਨੀ ਬਣਾਓ ਕਿ ਸਕੂਲ ਦੀ ਸਮਾਂ ਸਾਰਣੀ ਵਿੱਚ ਹਰ ਹਫ਼ਤੇ ਘੱਟੋ-ਘੱਟ 2 ਖਾਨ ਅਕੈਡਮੀ ਪੀਰੀਅਡ ਸ਼ਾਮਲ ਕੀਤੇ ਗਏ ਹਨ।

ਮਾਡਲ 2: ਹੋਮਵਰਕ ਅਸਾਈਨਮੈਂਟ ਲਈ ਖਾਨ ਅਕੈਡਮੀ ਦੀ ਵਰਤੋਂ ਕਰੋ

ਇਹ ਕੀ ਹੈ?

  • ਤੁਸੀਂ ਕਲਾਸਰੂਮ ਵਿੱਚ ਇੱਕ ਵਿਸ਼ਾ ਸਿਖਾ ਸਕਦੇ ਹੋ, ਅਤੇ ਪਾਠ ਪੁਸਤਕਾਂ ਵਿੱਚ ਅਭਿਆਸ ਕਰ ਸਕਦੇ ਹੋ ਜਿਵੇਂ ਕਿ ਤੁਸੀਂ ਆਮ ਤੌਰ 'ਤੇ ਕਰਦੇ ਹੋ।
  • ਫਿਰ ਖਾਨ ਅਕੈਡਮੀ ਦੀ ਸਮਗਰੀ ਨੂੰ ਵਿਦਿਆਰਥੀਆਂ ਨੂੰ ਹੋਮਵਰਕ ਅਸਾਈਨਮੈਂਟ ਵਜੋਂ ਸੌਂਪੋ। ਵਿਦਿਆਰਥੀ ਘਰ ਵਿੱਚ ਅਸਾਈਨਮੈਂਟਸ ਨੂੰ ਪੂਰਾ ਕਰ ਸਕਦੇ ਹਨ ਅਤੇ ਕਲਾਸ ਵਿੱਚ ਆਉਣ ਤੋਂ ਪਹਿਲਾਂ ਅਭਿਆਸਾਂ ਵਿੱਚ ਮੁਹਾਰਤ ਹਾਸਲ ਕਰ ਸਕਦੇ ਹਨ।
  • ਫਿਰ ਤੁਸੀਂ ਵਿਦਿਆਰਥੀਆਂ ਦੇ ਸਕੋਰਜ਼ ਦੀ ਸਮੀਖਿਆ ਕਰ ਸਕਦੇ ਹੋ ਅਤੇ ਉਹ ਹੁਨਰ/ਵਿਸ਼ਾ ਚੁਣ ਸਕਦੇ ਹੋ ਜਿੱਥੇ ਵਿਦਿਆਰਥੀਆਂ ਨੂੰ ਵਧੇਰੀ ਸਹਾਇਤਾ ਦੀ ਲੋੜ ਹੁੰਦੀ ਹੈ। ਤੁਸੀਂ ਫਿਰ ਆਪਣੀ ਅਗਲੀ ਕਲਾਸ ਵਿੱਚ ਦੁਬਾਰਾ ਪੜ੍ਹਾ ਸਕਦੇ ਹੋ ਜਾਂ ਸ਼ੰਕਿਆਂ ਨੂੰ ਸਪੱਸ਼ਟ ਕਰ ਸਕਦੇ ਹੋ।

ਤੁਸੀਂ ਅਧਿਆਪਕਾਂ ਦਾ ਸਮਰਥਨ ਕਰਨ ਲਈ ਕੀ ਕਰ ਸਕਦੇ ਹੋ?

  • ਮਾਪਿਆਂ ਨਾਲ ਜੁੜਨ ਵਿੱਚ ਆਪਣੇ ਅਧਿਆਪਕਾਂ ਦਾ ਸਮਰਥਨ ਕਰੋ।
  • ਇੱਕ ਪੇਰੈਟ- ਅਧਿਆਪਕ ਮੀਟਿੰਗ ਦਾ ਆਯੋਜਨ ਕਰਕੇ ਅਤੇ ਜੇਕਰ ਸੰਭਵ ਹੋਵੇ ਤਾਂ ਮਾਪਿਆਂ ਨੂੰ ਸੰਬੋਧਨ ਕਰਕੇ ਉਹਨਾਂ ਦੀ ਮਦਦ ਕਰੋ।
  • ਜੇਕਰ ਵਿਦਿਆਰਥੀਆਂ ਕੋਲ ਘਰ ਵਿੱਚ ਡਿਵਾਈਸ ਨਹੀਂ ਹੈ, ਤਾਂ ਉਹਨਾਂ ਨੂੰ ਸਕੂਲ ਵਿੱਚ ਡਿਵਾਈਸਾਂ ਤੱਕ ਪਹੁੰਚ ਦਿੱਤੀ ਜਾਣੀ ਚਾਹੀਦੀ ਹੈ।
  • ਇਹਨਾਂ ਵਿਦਿਆਰਥੀਆਂ ਦੀ ਪਛਾਣ ਕਰਨ ਲਈ ਆਪਣੇ ਅਧਿਆਪਕਾਂ ਨਾਲ ਕੰਮ ਕਰੋ ਅਤੇ ਫਿਰ ਇਹ ਯਕੀਨੀ ਬਣਾਓ ਕਿ ਇਹਨਾਂ ਵਿਦਿਆਰਥੀਆਂ ਨੂੰ ਸਕੂਲ ਵਿੱਚ ਵਾਧੂ ਸਹਾਇਤਾ ਦਿੱਤੀ ਜਾਣੀ ਚਾਹੀਦੀ ਹੈ।

ਮਾਡਲ 3: ਇਮਤਿਹਾਨਾਂ ਦੌਰਾਨ ਸੁਧਾਰ/ਸੰਸ਼ੋਧਨ ਲਈ ਖਾਨ ਅਕੈਡਮੀ ਦੀ ਵਰਤੋਂ ਕਰੋ -

ਇਹ ਕੀ ਹੈ?

  • ਤੁਸੀਂ ਵਿਦਿਆਰਥੀਆਂ ਦੀਆਂ ਲੋੜਾਂ ਅਨੁਸਾਰ ਸਮੱਗਰੀ ਨਿਰਧਾਰਤ ਕਰ ਸਕਦੇ ਹੋ।
  • ਫਿਰ ਤੁਸੀਂ ਵਿਦਿਆਰਥੀ ਨੂੰ ਉਹਨਾਂ ਦੀ ਸਮਝ ਵਿੱਚ ਅੰਤਰ ਨੂੰ ਭਰਨ ਲਈ ਉਹਨਾਂ ਦੇ ਨਿਰਧਾਰਤ ਵਿਸ਼ਿਆਂ 'ਤੇ ਕੰਮ ਕਰਨ ਲਈ ਹਫ਼ਤੇ ਵਿੱਚ ਇੱਕ ਦਿਨ ਦੀ ਪਛਾਣ ਕਰ ਸਕਦੇ ਹੋ।
  • ਇਸੇ ਤਰ੍ਹਾਂ ਸੰਸ਼ੋਧਨ ਲਈ, ਤੁਸੀਂ ਨਵੇਂ ਅਤੇ ਪੁਰਾਣੇ ਹੁਨਰਾਂ ਜਾਂ ਅਭਿਆਸਾਂ ਦਾ ਮਿਸ਼ਰਣ ਨਿਰਧਾਰਤ ਕਰ ਸਕਦੇ ਹੋ ਤਾਂ ਜੋ ਵਿਦਿਆਰਥੀ ਨਵੇਂ ਵਿਸ਼ਿਆਂ ਨੂੰ ਸਿੱਖਣ ਦੇ ਨਾਲ-ਨਾਲ ਪੁਰਾਣੇ ਵਿਸ਼ਿਆਂ ਦੀ ਲਗਾਤਾਰ ਸਮੀਖਿਆ ਕਰਦੇ ਰਹਿਣ।
  • ਇਸ ਦੌਰਾਨ ਇੱਕ ਅਧਿਆਪਕ ਵਜੋਂ ਤੁਸੀਂ ਪਲੇਟਫਾਰਮ 'ਤੇ ਨਿਯਮਤ ਪ੍ਰਗਤੀ ਰਿਪੋਰਟਾਂ ਪ੍ਰਾਪਤ ਕਰੋਗੇ।

ਤੁਸੀਂ ਅਧਿਆਪਕਾਂ ਦਾ ਸਮਰਥਨ ਕਰਨ ਲਈ ਕੀ ਕਰ ਸਕਦੇ ਹੋ?

  • ਤੁਸੀਂ ਜਾਣਦੇ ਹੋ ਕਿ ਅਭਿਆਸ ਵਿੱਚ ਇਕਸਾਰਤਾ ਦੀ ਲੋੜ ਹੋ ਅਤੇ ਇਹ ਵੀ ਕਿ ਖਾਨ ਅਕੈਡਮੀ ਇਕ ਬੁਹਤ ਸਮਰੱਥ ਪਲੇਟਫਾਰਮ ਹੈ। ਇਸ ਲਈ ਇਮਤਿਹਾਨ ਦੇ ਮਹੀਨਿਆਂ ਦੌਰਾਨ, ਸੁਧਾਰ ਅਤੇ ਸੰਸ਼ੋਧਨ ਲਈ ਖਾਨ ਅਕੈਡਮੀ ਦੀ ਵਰਤੋਂ ਕਰਨ ਵਿੱਚ ਰੁਟੀਨ ਵਿੱਚ ਲੋੜੀਂਦੀ ਸ਼ਿਫਟ ਬਣਾਉਣ ਵਿੱਚ ਅਧਿਆਪਕਾਂ ਦਾ ਸਮਰਥਨ ਕਰੋ।
ਸਾਨੂੰ ਜਰੂਰ ਦੱਸਣਾ ਕਿ ਖਾਨ ਅਕੈਡਮੀ ਨੂੰ ਲਾਗੂ ਕਰਨ ਦਾ ਹੁਣ ਤੱਕ ਦਾ ਤੁਹਾਡਾ ਅਨੁਭਵ ਕਿਹੋ ਜਿਹਾ ਰਿਹਾ ਹੈ। ਇਸ ਲਿੰਕ ਤੇ ਕਲਿਕ ਕਰਕੇ ਆਪਣੇ ਅਨੁਭਵ ਸਾਂਝੇ ਕਰੋ।

ਕੀ ਗੱਲਬਾਤ ਵਿੱਚ ਸ਼ਾਮਲ ਹੋਣਾ ਚਾਹੁੰਦੇ ਹੋ?

ਹਾਲੇ ਤੱਕ ਕੋਈ ਪੋਸਟ ਨਹੀਂ ਕੀਤੀ ਗਈ ਹੈ।
ਕੀ ਤੁਸੀਂ ਅੰਗਰੇਜ਼ੀ ਸਮਝਦੇ ਹੋ? ਖਾਨ ਅਕੈਡਮੀ ਦੀ ਅੰਗਰੇਜ਼ੀ ਸਾਈਟ 'ਤੇ ਚੱਲ ਰਹੇ ਵਧੇਰੇ ਵਿਚਾਰ-ਵਟਾਂਦਰਿਆਂ ਨੂੰ ਦੇਖਣ ਲਈ ਇੱਥੇ ਕਲਿੱਕ ਕਰੋ।